💡🔬 EXPERIMENTOS CIENTÍFICOS SINXELOS PARA CRIANZAS. ACTIVIDADES PARA FACER NA CASA: FLOTACIÓN
FLOTARÁ OU NON FLOTARÁ
Materiais: Caldeiro ou bañeira, auga e obxectos
de distintas densidades: cortiza, cunchas de noz, palillos, esponxa... Calquera outro que teñades na casa.
Proceso: Experimentar libremente con diferentes
materiais de distintas densidades. Preguntarse sempre, previamente, que
ocorrera?
Outro experimento posible sería probardes con dúas mandarinas(*): unha coa
monda e outra pelada, Flotarán ou non flotarán?
(*)Empregade auga limpa e non estragaredes a froita. Despois do experimento poderedes, sen problema, merendar as mandarinas.
Podedes animar ás crianzas a que tenten recoller a información que se vai desprendendo da súa experimentación axudándolles a facelo. Unha posible táboa de recollida de datos sería a que vos propoñemos a continuación. No recadro do obxecto poden escribir ou debuxar, e nas columnas seguintes riscarían a opción correcta axudándose, para a lectura global do "si" e "non", do debuxo:
Podedes animar ás crianzas a que tenten recoller a información que se vai desprendendo da súa experimentación axudándolles a facelo. Unha posible táboa de recollida de datos sería a que vos propoñemos a continuación. No recadro do obxecto poden escribir ou debuxar, e nas columnas seguintes riscarían a opción correcta axudándose, para a lectura global do "si" e "non", do debuxo:
Explicación: A FLOTABILIDADE é a capacidade
pola que un corpo permanece suspendido ou se sostén nun fluído (líquido ou
gas). A causa da flotabilidade non é a densidade do corpo e tampouco o fluído
desprazado (Principio de Arquímedes), senón que a causa é un balance de
forzas (volume do corpo, densidade do líquido e gravidade) e a presión
exercita polo fluído que rodea o corpo. O estudo da flotabilidade levou
a grandes avances no deseño de naves (barcos, submarinos) e de aerostatos
(globo, zepeling).
Comentarios
Publicar un comentario