🎭 🎨 ACTIVIDADES DE EXPRESIÓN ARTÍSTICA PARA FACER NA CASA COAS CRIANZAS: SEGUINDO AS PEGADAS DE MADOZ
SEGUINDO AS
PEGADAS DE MADOZ
Hoxe
propoñémosvos unha actividade inspirada da obra do fotógrafo Chema Madoz. El adoita
xogar coa nosa percepción da realidade e tenta ver as cousas dende outro punto
de vista, traballando con diferentes elementos en torno a unha idea
seleccionada previamente.
Empregade, como
el fai, obxectos cotiás e tentade construír motivos vexetais, naturais ou calquera
outro... Madoz fai isto con follas, árbores, orballo, arañas, piñeiro...a partir
de obxectos de uso cotiá.
O primeiro paso
sería escoller un elemento a representar (un paxaro, un raio, unha flor...), pensade nalgo que vos guste ou inspire.
O
segundo paso consistirá en que comecedes a manipular obxectos de uso cotiá que
teñades pola casa para tentar evocar o elemento que pensastes inicialmente
(construír un moucho empregando lapis, unha nube con garfos, un niño con fíos, un paxaro cun abridor de botellas...).
Por último, tirade
unha foto cenital coa cámara do móbil e desfrutade das vosas obras.
“O xogo é a
primeira relación coa idea de coñecemento, a maneira de ir aprendendo e
desfrutando do entorno”
Chema Madoz
Comentarios
Publicar un comentario