👨💭 PROPOSTAS SOBRE LINGUAXES PARA FACER NA CASA COAS CRIANZAS: CINEMA MUDO
CINEMA MUDO
Hai poucas cousas
tan divertidas como asistir a un espectáculo de teatro, monicreques ou cinema. Nestes
días, en que non podemos desfrutar deste tipo de actividades, podemos
achegarnos a vivencialas nos nosos propios fogares.
Animámosvos a xogar:
as crianzas serán actores e actrices que terán que moverse (nun espazo delimitado
previamente, a modo de “escenario”) e expresar corporalmente, e coa axuda do
atrezzo que consideren axeitado, a historia que papá/mamá vaia lendo.
Podedes empregar
un libro ou conto coñecido polas crianzas, para que se podan ir anticipando á
historia. Axudade coa vosa entoación e énfase para facilitarlle a
representación. Desfrutade vivenciando as imaxes mentais e movementos que xeran as palabras.
Unha opción, algo
máis difícil, é que sexan as vosas crianzas as que conten unha historia (será moito
máis sinxelo se contan unha historia moi coñecida – o seu libro favorito- e non teñen que inventala), e vós (adultos/as) teñades que representala como se
estivésedes dentro dunha escena de cinema mudo.
Que comece o espectáculo!
As palabras son como a capa superficial das augas profundas.
Wittgenstein
Comentarios
Publicar un comentario