😃🏡 ACTIVIDADES DA VIDA DIARIA NA CASA PARA FACER COAS CRIANZAS: COIDAMOS DAS QUE NOS COIDAN

OCUPARSE DAS PLANTAS

Hoxe propoñémosvos unha actividade necesaria nas nosas casas, que ademais pode dar pé a falar coas nosas crianzas da importancia que teñen as plantas para a vida na terra.

Realmente, no noso clima, coa humidade ambiental que se mantén ao longo do ano, case ningunha planta, das que temos nos pisos, precisa que a reguemos antes de 15 ou 20 días. Pero o que si é importante é que manteñamos limpas e en bo estado as súas follas.

Así que podedes pedirlle ás crianzas que, cada día, limpen, coidadosamante, unha ou dúas follas das plantas da casa. Para iso axudarédesvos de auga e unha gasa ou pano fino. Humedecerán a gasa ou o pano e pasarano devagar pola folla de dentro a fóra. 

Lembrarémoslles que debemos de coidar as plantas, tan importantes para nós, igual que elas nos coidan a nós producindo o osíxeno que precisamos para vivir.

"A natureza sosten a vida universal de tódolos seres".

                                               Dalai Lama