😃🏡 ACTIVIDADES DA VIDA DIARIA NA CASA PARA FACER COAS CRIANZAS: USAR BATEDOR DE MAN


USAR BATEDOR DE MAN

Precisades un bol ou ensaladeira fonda, xerra ou botella con auga, xabón, batedor de variñas, esponxa e pano. 

Hoxe prepararanse para empregar outra ferramenta de uso cotiá para que así cando toque facer un biscoito ou bater uns ovos, teñan destreza para facelo autonomamente.

Animaredes ás crianzas a que vertan no bol ou ensaladeira a auga e deixen caer nela dúas ou tres gotas de xabón líquido (podedes usar xabón de fregar, xabón deterxente da roupa ou xel do baño... o que teñades pola casa).

Despois, co batedor de variñas farán que apareza a escuma: para iniciarse poden suxeitar o batedor entre as dúas palmas das mans frotándoas, e para as crianzas máis experimentadas nestas prácticas, moverán o batedor só con unha man. 

Cando teñan rematado a actividade, as crianzas baleirarán o bol, limparán a superficie cunha esponxa e secarana co pano.


Lembrade que para todo o que podan facer as crianzas soas debedes deixar que o fagan con autonomía sendo pacientes e dándolles todo o tempo que precisen para facelo. Axudádelles a desfrutar dos procesos.


Axúdame a facelo só.
      María Montessori

Comentarios

Publicar un comentario

Entradas populares de este blog

💡🔬 EXPERIMENTOS CIENTÍFICOS SINXELOS PARA CRIANZAS. ACTIVIDADES PARA FACER NA CASA: FLOTACIÓN

Imagen
FLOTARÁ OU NON FLOTARÁ Materiais : Caldeiro ou bañeira, auga e obxectos de distintas densidades: cortiza, cunchas de noz, palillos, esponxa... Calquera outro que teñades na casa. Proceso : Experimentar libremente con diferentes materiais de distintas densidades. Preguntarse sempre, previamente, que ocorrera? Outro experimento posible sería probardes con dúas mandarinas (*): unha coa monda e outra pelada, Flotarán ou non flotarán? (*)Empregade auga limpa e non estragaredes a froita. Despois do experimento poderedes, sen problema, merendar as mandarinas. Podedes animar ás crianzas a que tenten recoller a información que se vai desprendendo da súa experimentación axudándolles a facelo. Unha posible táboa de recollida de datos sería a que vos propoñemos a continuación. No recadro do obxecto poden escribir ou debuxar, e nas columnas seguintes riscarían a opción correcta axudándose, para a lectura global do "si" e "non", do debuxo: ...
VER ACTIVIDAD/JUEGO »

😃🏡 ACTIVIDADES DA VIDA DIARIA NA CASA PARA FACER COAS CRIANZAS: RASGAR PAPEL

Imagen
  RASGAR PAPEL Só fan falta papeis , do que teñades pola casa: xornais, revistas, publicidade, folios de refugallo...  E animádeos a que corten tiras para facer confeti ou unha choiva de papeis, podedes poñer música para que a choiva forme parte dun baile. Non vos preocupedes polo “desastre” posible debido á choiva de papeis porque, como veredes noutra estrada do blog ( preme aquí para acceder ) referida a  “ VARRER ” , esa choiva de papeis espallada pola casa será unha estupenda oportunidade para mellorar aspectos da vida práctica. Tamén podedes preparar unha cadea para decorar. Outra posible proposta consiste en animar aos/ás máis peques a que creen os seus propios collages. "Cada cambio é unha oportunidade para a aprendizaxe"
VER ACTIVIDAD/JUEGO »

👨💭 PROPOSTAS SOBRE LINGUAXES PARA FACER NA CASA COAS CRIANZAS: ESCOITAR UN CONTO "SETE RATOS CEGOS"

Imagen
O conto " Sete ratos cegos ", foi escrito e ilustrado por  Ed Young , artista estadounidense de orixe chinesa. Esta obra ilustra unha  antiga fábula  da  India  que conta como sete ratos cegos atópanse, preto do seu fogar na lagoa, cun "algo moi raro".  Nesta historia se subliña a importancia de  mirar  a realidade cunha  ollada creativa ,  inclusiva , dende a  globalidade  e incorporando as  múltiples perspectivas  das demais. Esperamos que vos guste: Probablemente, unha das aprendizaxes máis importantes deste conto é aprender a mirar o mundo dun xeito creativo e global , é dicir, tentar ver o TODO e non só as PARTES . Para traballar esta aprendizaxe e poder falar dela... propoñémosvos o seguinte xogo: Preparade nunha folla moitas “ fiestras ” ou recortándoo en moitas pezas como se fora un puzzle . Despois tapade con esa folla un libro coñecido para as crianzas ou un debuxo... e pe...
VER ACTIVIDAD/JUEGO »