😃🏡 ACTIVIDADES DA VIDA DIARIA NA CASA PARA FACER COAS CRIANZAS: GALLETAS DE MANTEIGA


GALLETAS DE MANTEIGA


Hoxe propoñémosvos unha receita doce que require dun amasado moi sinxelo: galletas de manteiga. Para poder elaboralas precisades: 125g. de manteiga, 75g. de azucre, 200g. de fariña e un chisco de sal.


O primeiro é poñer todos os ingredientes nun recipiente e mesturalos, ata conseguir un resultado homoxéneo e compacto. Tede en conta que canto menos fría estea a manteiga, mellor mesturará.


Seguidamente, faremos pequenas bólas (aplanándoas sobre o papel de forno ata conseguir a forma circular desexada). Podedes decoralas con un “lacasito”, unha abelá, unha améndoa...ou similar.


Meteremos as galletas no forno sobre un papel de forno que cubra a grella.


Esperaremos 15 minutos, co forno a 180º.


Por último, sacarémolas e deixarémolas repousar entre 2 e 3 minutos sen movelas ata que endurezan.


NOTA: se queredes facelas de chocolate, só teredes que cambiar os 200g. de fariña por 160g. de fariña e 40g.de cacao puro.

 Podedes explicarlles ás crianzas que existe a posibilidade de que podan compartir a receita con outras persoas (os avós, tíos, amigos...) ou que a garden para lembrala a seguinte vez que a queiran facer. Para iso, terán que escribir o proceso, ingredientes... Podedes animalos/as a que o fagan á súa maneira ou ben que se axuden do seguinte documento no que os pictogramas os/as axudarán a levar a cabo este proceso de aproximación á lectura e escritura.

Comentarios

Publicar un comentario

Entradas populares de este blog

💡🔬 EXPERIMENTOS CIENTÍFICOS SINXELOS PARA CRIANZAS. ACTIVIDADES PARA FACER NA CASA: FLOTACIÓN

Imagen
FLOTARÁ OU NON FLOTARÁ Materiais : Caldeiro ou bañeira, auga e obxectos de distintas densidades: cortiza, cunchas de noz, palillos, esponxa... Calquera outro que teñades na casa. Proceso : Experimentar libremente con diferentes materiais de distintas densidades. Preguntarse sempre, previamente, que ocorrera? Outro experimento posible sería probardes con dúas mandarinas (*): unha coa monda e outra pelada, Flotarán ou non flotarán? (*)Empregade auga limpa e non estragaredes a froita. Despois do experimento poderedes, sen problema, merendar as mandarinas. Podedes animar ás crianzas a que tenten recoller a información que se vai desprendendo da súa experimentación axudándolles a facelo. Unha posible táboa de recollida de datos sería a que vos propoñemos a continuación. No recadro do obxecto poden escribir ou debuxar, e nas columnas seguintes riscarían a opción correcta axudándose, para a lectura global do "si" e "non", do debuxo:
VER ACTIVIDAD/JUEGO »

😃🏡 ACTIVIDADES DA VIDA DIARIA NA CASA PARA FACER COAS CRIANZAS: RASGAR PAPEL

Imagen
  RASGAR PAPEL Só fan falta papeis , do que teñades pola casa: xornais, revistas, publicidade, folios de refugallo...  E animádeos a que corten tiras para facer confeti ou unha choiva de papeis, podedes poñer música para que a choiva forme parte dun baile. Non vos preocupedes polo “desastre” posible debido á choiva de papeis porque, como veredes noutra estrada do blog ( preme aquí para acceder ) referida a  “ VARRER ” , esa choiva de papeis espallada pola casa será unha estupenda oportunidade para mellorar aspectos da vida práctica. Tamén podedes preparar unha cadea para decorar. Outra posible proposta consiste en animar aos/ás máis peques a que creen os seus propios collages. "Cada cambio é unha oportunidade para a aprendizaxe"
VER ACTIVIDAD/JUEGO »

🤸 🤸‍♂️ XOGOS DE MOVEMENTO PARA CRIANZAS. ACTIVIADES PARA FACER NA CASA: MARIOLA

Imagen
MARIOLA  🤸 🤸‍♂️ Hoxe podedes axudar ás crianzas a montar unha mariola na casa. Pensade como marcar no chan as liñas (pintadas, pegadas con algún tipo de cinta adhesiva...) e procurade pequenas tarxetiñas nas que o neno ou a nena poda escribir os números para despois colocalos no chan no seu recadro.  Este xogo tradicional é perfecto para facer algo de exercicio físico , desenvolver o control óculo-manual , control postural , salto ... Animádevos tamén as adultas a participar no xogo, pódevos vir moi ben lembrar experiencias que quizais hai tempo que non faciades e botardes unhas risas en familia .
VER ACTIVIDAD/JUEGO »