👨💭 PROPOSTAS SOBRE LINGUAXES PARA FACER NA CASA COAS CRIANZAS: ANIMALARIO FANTÁSTICO


ANIMALARIO FANTÁSTICO

Hoxe presentámosvos unha experiencia baseada nunha das técnicas creativas de Rodari.
Partindo do gran interese que adoita suscitar nas crianzas o mundo animal... Propoñémosvos crear un “Animalario fantástico” de novas especies. Como crearemos esas especies?

- Primeiro, as crianzas terán que preparar anacos de papel (rasgándoo ou empregando tesoira). En cada un deles debuxarán un animal ou escribirán o seu nome. Despois dobrarán cada anaco de papel e deixaranos repartidos en dous recipientes.


 - Collerán, ao chou, un anaco de papel de cada recipiente, desdobraranos e lerán que lles tocou.


- A partir destes dous animais crearán un novo e inventaranlle un nome e tentarán escribilo (lembrade non "correxir" esa primeira escritura). Podedes axudarlles recalcando o son de cada fonema.



A nosa nova especie animal é un RAFANTE, metade ra, metade elefante.
 Aquí o tedes!


Animádevos a crear a vosa nova especie!
O elemento esencial do pensamento é a estrutura binaria, non os elementos que a constitúen. A cupla ou o par, son anteriores ao elemento illado.

                Henry Wallon

Comentarios

Publicar un comentario

Entradas populares de este blog

💡🔬 EXPERIMENTOS CIENTÍFICOS SINXELOS PARA CRIANZAS. ACTIVIDADES PARA FACER NA CASA: FLOTACIÓN

Imagen
FLOTARÁ OU NON FLOTARÁ Materiais : Caldeiro ou bañeira, auga e obxectos de distintas densidades: cortiza, cunchas de noz, palillos, esponxa... Calquera outro que teñades na casa. Proceso : Experimentar libremente con diferentes materiais de distintas densidades. Preguntarse sempre, previamente, que ocorrera? Outro experimento posible sería probardes con dúas mandarinas (*): unha coa monda e outra pelada, Flotarán ou non flotarán? (*)Empregade auga limpa e non estragaredes a froita. Despois do experimento poderedes, sen problema, merendar as mandarinas. Podedes animar ás crianzas a que tenten recoller a información que se vai desprendendo da súa experimentación axudándolles a facelo. Unha posible táboa de recollida de datos sería a que vos propoñemos a continuación. No recadro do obxecto poden escribir ou debuxar, e nas columnas seguintes riscarían a opción correcta axudándose, para a lectura global do "si" e "non", do debuxo:
VER ACTIVIDAD/JUEGO »

😃🏡 ACTIVIDADES DA VIDA DIARIA NA CASA PARA FACER COAS CRIANZAS: RASGAR PAPEL

Imagen
  RASGAR PAPEL Só fan falta papeis , do que teñades pola casa: xornais, revistas, publicidade, folios de refugallo...  E animádeos a que corten tiras para facer confeti ou unha choiva de papeis, podedes poñer música para que a choiva forme parte dun baile. Non vos preocupedes polo “desastre” posible debido á choiva de papeis porque, como veredes noutra estrada do blog ( preme aquí para acceder ) referida a  “ VARRER ” , esa choiva de papeis espallada pola casa será unha estupenda oportunidade para mellorar aspectos da vida práctica. Tamén podedes preparar unha cadea para decorar. Outra posible proposta consiste en animar aos/ás máis peques a que creen os seus propios collages. "Cada cambio é unha oportunidade para a aprendizaxe"
VER ACTIVIDAD/JUEGO »

🤸 🤸‍♂️ XOGOS DE MOVEMENTO PARA CRIANZAS. ACTIVIADES PARA FACER NA CASA: MARIOLA

Imagen
MARIOLA  🤸 🤸‍♂️ Hoxe podedes axudar ás crianzas a montar unha mariola na casa. Pensade como marcar no chan as liñas (pintadas, pegadas con algún tipo de cinta adhesiva...) e procurade pequenas tarxetiñas nas que o neno ou a nena poda escribir os números para despois colocalos no chan no seu recadro.  Este xogo tradicional é perfecto para facer algo de exercicio físico , desenvolver o control óculo-manual , control postural , salto ... Animádevos tamén as adultas a participar no xogo, pódevos vir moi ben lembrar experiencias que quizais hai tempo que non faciades e botardes unhas risas en familia .
VER ACTIVIDAD/JUEGO »