🎭 🎨 ACTIVIDADES DE EXPRESIÓN ARTÍSTICA PARA FACER NA CASA COAS CRIANZAS: SERES IMAXINADOS


SERES IMAXINADOS A PARTIR DUNHA MANCHA

A partir da técnica de pintura con pincel, para o que podedes empregar acuarelas, aguadas feitas con acrílico, témperas...propoñémosvos un xogo que pode resultarlles interesante. Se non dispoñedes destes materiais, pero si tedes rotuladores, podedes igualmente empregar o pincel se preparades estas mesturas (como vedes na imaxe). 


Animádeos/as a que pinten nunha folla en branco diferentes elementos sen significado algún: manchas, liñas curvas ou rectas...de diferentes formas, tamaños e cores.


Deixade secar eses debuxos e, ao día seguinte, preguntádelles: Que vedes? Deberán converter cada un deses elementos (engadindo algún detalle, elemento ou completando o que xa hai) nun obxecto ou ser real ou imaxinario: aquela mancha amarela resultou ser o pantalón dun neno, un can ou un dinosaurio; a liña violeta era un colibrí chuchando unha flor...



Tamén podedes crear vós a vosa “folla de manchas” e ao día seguinte, para o xogo de creación e imaxinación, intercambiaredes as propostas: vós imaxinaredes a partir das manchas do voso fillo ou filla, e elas/es imaxinarán a partir das vosas manchas.


Se tivésemos unha Fantástica, así como temos unha Lóxica, estaría descuberta a arte de inventar.
                                     Novalis



Para ver o post PINTAR CON PINCEL PREME AQUÍ e poderedes ver como converter rotuladores en pintura para pincel.

Comentarios

Publicar un comentario

Entradas populares de este blog

💡🔬 EXPERIMENTOS CIENTÍFICOS SINXELOS PARA CRIANZAS. ACTIVIDADES PARA FACER NA CASA: FLOTACIÓN

Imagen
FLOTARÁ OU NON FLOTARÁ Materiais : Caldeiro ou bañeira, auga e obxectos de distintas densidades: cortiza, cunchas de noz, palillos, esponxa... Calquera outro que teñades na casa. Proceso : Experimentar libremente con diferentes materiais de distintas densidades. Preguntarse sempre, previamente, que ocorrera? Outro experimento posible sería probardes con dúas mandarinas (*): unha coa monda e outra pelada, Flotarán ou non flotarán? (*)Empregade auga limpa e non estragaredes a froita. Despois do experimento poderedes, sen problema, merendar as mandarinas. Podedes animar ás crianzas a que tenten recoller a información que se vai desprendendo da súa experimentación axudándolles a facelo. Unha posible táboa de recollida de datos sería a que vos propoñemos a continuación. No recadro do obxecto poden escribir ou debuxar, e nas columnas seguintes riscarían a opción correcta axudándose, para a lectura global do "si" e "non", do debuxo:
VER ACTIVIDAD/JUEGO »

😃🏡 ACTIVIDADES DA VIDA DIARIA NA CASA PARA FACER COAS CRIANZAS: RASGAR PAPEL

Imagen
  RASGAR PAPEL Só fan falta papeis , do que teñades pola casa: xornais, revistas, publicidade, folios de refugallo...  E animádeos a que corten tiras para facer confeti ou unha choiva de papeis, podedes poñer música para que a choiva forme parte dun baile. Non vos preocupedes polo “desastre” posible debido á choiva de papeis porque, como veredes noutra estrada do blog ( preme aquí para acceder ) referida a  “ VARRER ” , esa choiva de papeis espallada pola casa será unha estupenda oportunidade para mellorar aspectos da vida práctica. Tamén podedes preparar unha cadea para decorar. Outra posible proposta consiste en animar aos/ás máis peques a que creen os seus propios collages. "Cada cambio é unha oportunidade para a aprendizaxe"
VER ACTIVIDAD/JUEGO »

🤸 🤸‍♂️ XOGOS DE MOVEMENTO PARA CRIANZAS. ACTIVIADES PARA FACER NA CASA: MARIOLA

Imagen
MARIOLA  🤸 🤸‍♂️ Hoxe podedes axudar ás crianzas a montar unha mariola na casa. Pensade como marcar no chan as liñas (pintadas, pegadas con algún tipo de cinta adhesiva...) e procurade pequenas tarxetiñas nas que o neno ou a nena poda escribir os números para despois colocalos no chan no seu recadro.  Este xogo tradicional é perfecto para facer algo de exercicio físico , desenvolver o control óculo-manual , control postural , salto ... Animádevos tamén as adultas a participar no xogo, pódevos vir moi ben lembrar experiencias que quizais hai tempo que non faciades e botardes unhas risas en familia .
VER ACTIVIDAD/JUEGO »