🎭 🎨 ACTIVIDADES DE EXPRESIÓN ARTÍSTICA PARA FACER NA CASA COAS CRIANZAS: SEGUINDO OS PASOS DE KANDINSKY


SEGUINDO OS PASOS DE KANDINSKY 



A proposta de hoxe comeza coa observación de diferentes obras de Kandinsky. Animádevos a observar e a falar da obra ou obras que escollades. 
Podemos facervos preguntas: Que cores usou? Usarías ti outras cores? Por que cres que escolleu estas cores? Escollerías ti as mesmas? Que debuxou o pintor? Que elementos (formas) ves? Como te fai sentir? Recórdache a algún outro obxecto ou escena? 


Tamén podedes facer a vosa propia obra de arte, non necesariamente unha versión dunha das obras de Kandinsky, senón inspirándovos na conversa sobre a obra do artista.  Empregando diferentes materiais: tesoiras e pegamento, rolos de papel , tapóns ou calquera outro obxecto para crear con formas (poden non ser círculos e si óvalos, triángulos...), sombras, mesturas de cores... 


O único indispensable é desfrutar experimentando!




A arte ensínanos a prestar atención ás novas combinacións visuais do mundo. Ensínanos a ver.

                        Gombrich

Comentarios

Publicar un comentario

Entradas populares de este blog

💡🔬 EXPERIMENTOS CIENTÍFICOS SINXELOS PARA CRIANZAS. ACTIVIDADES PARA FACER NA CASA: FLOTACIÓN

Imagen
FLOTARÁ OU NON FLOTARÁ Materiais : Caldeiro ou bañeira, auga e obxectos de distintas densidades: cortiza, cunchas de noz, palillos, esponxa... Calquera outro que teñades na casa. Proceso : Experimentar libremente con diferentes materiais de distintas densidades. Preguntarse sempre, previamente, que ocorrera? Outro experimento posible sería probardes con dúas mandarinas (*): unha coa monda e outra pelada, Flotarán ou non flotarán? (*)Empregade auga limpa e non estragaredes a froita. Despois do experimento poderedes, sen problema, merendar as mandarinas. Podedes animar ás crianzas a que tenten recoller a información que se vai desprendendo da súa experimentación axudándolles a facelo. Unha posible táboa de recollida de datos sería a que vos propoñemos a continuación. No recadro do obxecto poden escribir ou debuxar, e nas columnas seguintes riscarían a opción correcta axudándose, para a lectura global do "si" e "non", do debuxo:
VER ACTIVIDAD/JUEGO »

😃🏡 ACTIVIDADES DA VIDA DIARIA NA CASA PARA FACER COAS CRIANZAS: RASGAR PAPEL

Imagen
  RASGAR PAPEL Só fan falta papeis , do que teñades pola casa: xornais, revistas, publicidade, folios de refugallo...  E animádeos a que corten tiras para facer confeti ou unha choiva de papeis, podedes poñer música para que a choiva forme parte dun baile. Non vos preocupedes polo “desastre” posible debido á choiva de papeis porque, como veredes noutra estrada do blog ( preme aquí para acceder ) referida a  “ VARRER ” , esa choiva de papeis espallada pola casa será unha estupenda oportunidade para mellorar aspectos da vida práctica. Tamén podedes preparar unha cadea para decorar. Outra posible proposta consiste en animar aos/ás máis peques a que creen os seus propios collages. "Cada cambio é unha oportunidade para a aprendizaxe"
VER ACTIVIDAD/JUEGO »

🤸 🤸‍♂️ XOGOS DE MOVEMENTO PARA CRIANZAS. ACTIVIADES PARA FACER NA CASA: MARIOLA

Imagen
MARIOLA  🤸 🤸‍♂️ Hoxe podedes axudar ás crianzas a montar unha mariola na casa. Pensade como marcar no chan as liñas (pintadas, pegadas con algún tipo de cinta adhesiva...) e procurade pequenas tarxetiñas nas que o neno ou a nena poda escribir os números para despois colocalos no chan no seu recadro.  Este xogo tradicional é perfecto para facer algo de exercicio físico , desenvolver o control óculo-manual , control postural , salto ... Animádevos tamén as adultas a participar no xogo, pódevos vir moi ben lembrar experiencias que quizais hai tempo que non faciades e botardes unhas risas en familia .
VER ACTIVIDAD/JUEGO »