👨💭 PROPOSTAS SOBRE LINGUAXES PARA FACER NA CASA COAS CRIANZAS: ESCOITAR UN CONTO "A LIÑA"

A LIÑA de Beatriz Doumerc e Ayax Barnes

Unha noite de 1978 Ayax debuxou unha persoíña só cunha liña. A liña, fedella, fuxiu, alargouse estendéndose no papel. Que faría esa persoíña con esa liña? Pasaríalle por riba? Enredaríase con ela? Ayax e Beatriz déronse conta de que, grazas a ela, tiñan o libro que sempre quixeran facer: divertido e serio á vez. Tantas cousas fixera a persoa coa LIÑA que ata recibiu un premio. Porén, ao pouco tempo, algúns decretaron que este libro era sumamente perigoso e prohibíronlle andar por aí de man en man. Afortunadamente agora volve a moverse con total liberdade, para el non pasaron os anos. 

Liña: sucesión de puntos. 

Historia: sucesión de feitos. 

Os puntos fan a liña. 

As persoas fan a historia.

Podedes animar ás crianzas a que manipulen unha liña (anaco de la ou corda) e que experimenten con ela: curva ou recta? como é ao tacto? construíndo unha casa? a lúa? que máis se pode facer con ela? O único importante é, coma sempre vos dicimos, experimentar e desfrutar.